Eze 47 | ZomZIV | STEP | Mipa in biakinnpi sung tumna ah kei hong paipih kik a, biakinnpi sung lutna kongpi mai pan nisuahna-lam manawha tui phulkhia ka mu hi,(biakinnpi pen nisuahna-lam a ngat hang ahi hi). Tua tui pen biakinnpi leitaw-lam, biakna-tau leitaw-lam pang pana luangsuk ahi hi.

Ezekiel 47

Biakinnpi pan Gunpi

1 Mipa in biakinnpi sung tumna ah kei hong paipih kik a, biakinnpi sung lutna kongpi mai pan nisuahna-lam manawha tui phulkhia ka mu hi,(biakinnpi pen nisuahna-lam a ngat hang ahi hi). Tua tui pen biakinnpi leitaw-lam, biakna-tau leitaw-lam pang pana luangsuk ahi hi. 2 Tua ciangin mipa in leilu-lam kongpi tawnin hong paikhiatpih a, nisuahna-lam nga kongpi pua-ah hong paipih hi. Tua hi-a tui pen leitaw-lam pang pana luang ahi hi. ^a

3 Tehna ciang tawisa in mipa nisuahna-lam mawnawhin pai-a tui dung tong ^{▼▼47.3 Tua pen pi 1,500 bang (meter 450 bang) tg.4 le 5 ah zong} tul khat dong a teh hi; tua ciangin kei hong ngahtanpih a siakmit ciang a tum hi. 4 Amah in tong tulkhat teh kik leuleu a, kei hong ngahpih in khuk ciang a tum hi. Tul khat teh kik lai-a kei hong ngahpih in kawng ciang a tum hi. 5 Tul khat tehbeh leuleu a tuatak ciangin gunpi hita ahi manin kingaptan zo nawn lo hi, bang hang hiam cih leh pek khop ding zah hi a - kuama kantan zawh loh ding gunpi a suak hi. 6 Amah in kei kiangah, “Mihing tapa aw, hih na mu hiam?” hong ci hi. ^c

Tua ciangin gun gei-ah hong paipih kik hi. 7 Tua lai ka tun ciangin gunpang tuaka po singkung tampitak ka mu hi. 8 Amah in kei kiangah, “Hih tui nisuahna gam lam manawhin luanga, Arabah ^{▼▼47.8 Ahikeh Jordan Kuam} ah luangsukin tua lai ah tuipi ^{▼▼47.8 Tua in Si Tuipi} sungah a lut hi. Tuipi ^{▼▼47.8 Tua in Si Tuipi} sungah a luan ciangin tua sunga tui a siang suaksak hi. 9 Tua gun a luanna peuhpeuh ah ganhinghonte in omna-in a nei ding uh hi. Ngasa tampitak a om ding hi, bang hang hiam cih leh hih tui luang in tuipi tui-al a peengsak ding hi, tua mah bangin hih gun a luanna mun peuhpeuha nate khempeuh adingin nuntakna hi ding hi. 10 Adung tengah ngabengte a ding diing uh hi; En Gedi panin En Eglaim dong len phona phual a suak ding hi. Tuipi lian ^{▼▼47.10 Tua in Mediterranean; tg.15,19 le 20 ah zong} tawh kibang dinga - ngasa nam tampitak a om ding hi. 11 Ahi hangin nawngte le bualte a siangtho tuan kei ding hi; tuate ci-al dingin a tuaci om ding hi. 12 Gunpi pang tuakah singgah kung nam khempeuh a po ding hi. A tehte uh vul ngei lo dinga gah loh hun a nei kei ding hi. Tua tui munsiangtho panin amaute phungah luang ahi manin kha simin gah uh hi. Singahte an-in kinei dinga singtehte damna in kimang ding hi, ‘hong ci hi. ^h

Leitang Gamgite

13 Hih in Thupipen TOPA gen ahi hi: Joseph ading tanh nih le Israel beh sawm le nihte laka a luah ding uh leitang na hawm nading gamgite hihte ahi hi. 14 Amaute lakah a kikim dimdiamin na hawm ding hi. Bang hang hiam cih leh keimah in ka khut laamto in na pute uh tunga ka ciamsa hi-a, hih leitang na luah ding uh ahi hi. ⁱ

15 “Hih in leitang kigi hi ding hi: ^j

“Leilu-lam pangah Tuipi Lian pan kikhungin Hethlon lampi zui-a Lebo ^{▼▼47.15 Ahikeh a tumna kantan in} Hamath ah Zedad dong, 16 Berothah ^{▼▼47.15,16 Septuagint le Ezekiel 48:1 en in; Hebrew in Zedad 16} le Sibraim (tua pen Damascus le Hamath kikal gamgi a om), Hauran gamgi a om Hazer Hatticon dong ban ding hi. 17 Tuipi panin Hazar Enan ^{▼▼47.17 Hebrew in Enon, Enan tawh kilamdang lo} dong gamgi kikhungin Damascus gamgi saklam dongah pai-in leilu lamah Hamath gamgi a man ding hi. Hih in leilu lam gamgi ahi hi.
18 “Nisuahna-lam pang gamgi pen Hauran le Damascus kikalah pai dinga Jordan dung zui-in Israel gam le Gilea ^{▼▼47.18 Septuagint le Syriac; Hebrew in Israel Tuipi nisuahna lam na teh ding hi.} kikal tawnin nisuahna tuipi ah Tamard dong a ban ding hi. Hih in nisuahna lam gamgi ahi hi. ^o
19 “Leitaw lam pangah Tamar pan kipan dinga Meribah Kadesh dong banin tua ciangin Egypt Wadi dungah Tuipi Lian a sun ding hi. Hih in leitaw-lam gamgi ahi hi. ^p
20 “Nitumna-lam pangah Tuipi Lian gamgi suaka Lebo ^{▼▼47.20 Ahikeh a sung tumna tawh kigalsai} Hamath mun tawh a kigalsai ciang lian ahi hi. Hih in nitumna-lam gamgi ahi hi.

21 “Nang in Israel behte zui-in na hawm ding hi. 22 Note le note laka hong pemte le a tate uh adingin na luah na ngak ding uh, na tanh ding uh ahi hi. Note in note laka hong pemte Israel behte laka a luah ding na piakte uh Israel mi taktak mah in na sim ding uh hi. 23 Note kiangah bang beh bang beh hong lal zongin a luah ding uh na pia ding uh hi,” kong ci hi, Thupipen TOPA in cikhia hi. ^r